قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى №275

  2016 جىلعى 27 ماۋسىم  استانا قالاسى «مۇناي ونىمدەرىن بەرۋ جونىندەگى بىرىڭعاي وپەراتوردىڭ قازاقستان رەسپۋبليكاسىنىڭ قارۋلى كۇشتەرىنە, قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىنە, قازاقستان رەسپۋبليكاسىنىڭ ۇلتتىق ۇلانىنا, ازاماتتىق قورعاۋ سالاسىنداعى ۋاكىلەتتى ورگانعا, مەملەكەتتىك ماتەريالدىق رەزەرۆ سالاسىنداعى ۋاكىلەتتى ورگانعا مۇناي ونىمدەرىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2014 جىلعى 28 قاراشاداعى № 159 بۇيرىعىنا وزگەرىستەر ەنگىزۋ تۋرالى بۇيىرامىن: 1. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىنە, قازاقستان رەسپۋبليكاسىنىڭ ۇلتتىق ۇلانىنا, ازاماتتىق قورعاۋ سالاسىنداعى ۋاكىلەتتى ورگانعا, مەملەكەتتىك ماتەريالدىق رەزەرۆ سالاسىنداعى ۋاكىلەتتى ورگانعا مۇناي ونىمدەرىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2014 جىلعى 28 قاراشاداعى № 159 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10142 بولىپ تىركەلگەن, 2015 جىلعى 26 اقپانداعى № 38 (27914)) «ەگەمەن قازاقستان» گازەتىندە جاريالانعان) مىناداي وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن «مۇناي ونىمدەرىن بەرۋ جونىندەگى بىرىڭعاي وپەراتوردىڭ قازاقستان رەسپۋبليكاسىنىڭ قارۋلى كۇشتەرىنە, قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ, شەكارا قىزمەتىنە قازاقستان رەسپۋبليكاسىنىڭ ۇلتتىق ۇلانىنا, ازاماتتىق قورعاۋ سالاسىنداعى ۋاكىلەتتى ورگانعا, مەملەكەتتىك ماتەريالدىق رەزەرۆ سالاسىنداعى ۋاكىلەتتى ورگانعا, مۇناي ونىمدەرىن بەرۋ قاعيدالارىندا: 3-تارماقتىڭ 5) تارماقشا مىناداي رەداكتسيادا جازىلسىن: «5) اۆتوجانارماي قۇيۋ ستانتسياسى – مۇناي ونىمدەرىن ساقتاۋدى جانە بولشەك ساۋدا ارقىلى وتكىزۋدى قامتاماسىز ەتەتىن, ەسەپكە الاتىن باقىلاۋ اسپاپتارىمەن جاراقتاندىرىلعان تەحنولوگيالىق كەشەن جانە جابدىق; اۆتوجانارماي قۇيۋ ستانتسيالارى مىناداي تۇرلەرگە بولىنەدى: تۇراقتى – جەراستى نەمەسە جەرۇستى ىدىستارى بار, وتىن تاراتۋ باعاندارى ارقىلى كولىك قۇرالدارىنا مۇناي ونىمدەرىن قۇيۋعا ارنالعان ءتۇرى; كونتەينەرلىك – مۇناي ونىمدەرىن ساقتاۋعا ارنالعان ىدىستارى جەر ۇستىندە ورنالاسقان, تەحنولوگيالىق جۇيەسى وتىن تاراتۋ باعاندارىنىڭ ءبىرتۇتاس زاۋىت بۇيىمى رەتىندە جاسالعان مۇناي ونىمدەرىن ساقتاۋ كونتەينەرىندە ورنالاسۋىمەن سيپاتتالاتىن ءتۇرى; جىلجىمالى – اۆتوموبيل شاسسيىنە, تىركەمەگە, جارتىلاي تىركەمەگە ءبىرتۇتاس زاۋىت بۇيىمى رەتىندە جاسالعان ىدىس پەن وتىن تاراتۋ باعاندارى ورناتىلعان ءتۇرى;»; 14) تارماقشا مىناداي رەداكتسيادا جازىلسىن: «14) رەزەرۆۋار – ەسەپكە الاتىن باقىلاۋ اسپاپتارىمەن جابدىقتالعان, مۇناي ونىمدەرى بازاسىنداعى نە مۇناي ونىمدەرىن ءوندىرۋشىنىڭ وندىرىستىك وبەكتىسىندەگى ىدىس»; 11 -تارماق مىناداي رەداكتسيادا جازىلسىن: «11. مۇناي ونىمدەرىن جەتكىزۋ, مۇناي ونىمدەرىن جەتكىزۋ جونىندەگى شارتتاردىڭ نەگىزىندە جۇزەگە اسىرىلادى, «مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ 2015 جىلعى 4 جەلتوقسانداعى زاڭىنىڭ 39 بابىنىڭ 3 تارماعىنىڭ 36) تارماقشاسىنا سايكەس ءبىر باستاۋ تاسىلىمەن جاسالاتىن, مەملەكەتتىك ساتىپ الۋ تۋرالى شارتتاردى تىكەلەي جاساۋ ارقىلى». 2. قازاقستان رەسپۋبليكاسى ەنەرگەتيكا مينيسترلىگىنىڭ مۇناي ونەركاسىبىن دامىتۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇن ىشىندە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى بەرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەڭگىزىلەدى. قازاقستان رەسپۋبليكاسىنىڭ ەنەرگەتيكا ءمينيسترى ق. بوزىمباەۆ «كەلىسىلگەن» «كەلىسىلگەن» «كەلىسىلگەن» قازاقستان رەسپۋبليكاسىنىڭ قازاقستان رەسپۋبليكاسىنىڭ قازاقستان رەسپۋبليكاسىنىڭ قارجى ءمينيسترى قورعانىس ءمينيسترى ۇلتتىق قاۋىپسىزدىك كوميتەتى _____________ ب. سۇلتانوۆ _____________ ي. تاسماعامبەتوۆ _____________ ۆ. جۇماقانوۆ 2016 جىلعى 20 ماۋسىم 2016 جىلعى 13 شىلدە 2016 جىلعى 24 ماۋسىم «كەلىسىلگەن» «كەلىسىلگەن» قازاقستان رەسپۋبليكاسىنىڭ قازاقستان رەسپۋبليكاسىنىڭ ۇلتتىق ەكونوميكا ءمينيسترى ىشكى ىستەر ءمينيسترى _____________ ق. بيشىمباەۆ _____________ ق. قاسىموۆ 2016 جىلعى 7 شىلدە 2016 جىلعى 2 ماۋسىم بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 26 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14162 بولىپ ەنگىزىلدى.